潮流翻舊賬：中完又中！
回顧07潮流的同時，不忘翻看年頭時，各路潮流達人對07年的預測。
李居明個運程書廣告大講自己「中完又中」，其實《蘋果》副刊都唔弱，細看07年1月1日本報副刊的《HappyNewYear2007，Up&Coming50》之中，原來貼中了最少20樣之多。當中最明顯的包括︰走大眾化路線的H&M，在中環引起排隊潮；潮舖主腦們所言iPhone最叫大家期待；玉皇朝代表亦說過《變形金剛》玩具喪炒過千；整容風出現，繼吳文忻後，電視出現整容實錄，及整容三寶瘋狂曝光等，挑戰社會尺度。其餘因06年Wii的大熱，07年Mario產品大行其道，《蜘蛛俠3》成了07香港最賣座電影等，一一應驗。
咁都係想預告你知，08年的潮流預測報告，將於明天刊出。記得捧場喇。
薛凱琪：
「我覺得NDSL係07年的潮事，我有次去戲院睇戲，坐我前面對情侶，誇張到播緊片頭都仲要打機，好好笑！仲有Nike的夜光波鞋系列都好潮。最後梗係《Transformer》喇！老少咸宜，連我Daddy睇完都話勁，而原來女仔都會好鍾意！」
森美︰
「一定係iPhone。首先咩叫潮先？就係大家都盲目去追一啲嘢。你睇聖誕時當大家都想SendGroupMessage，但iPhone無呢個功能依然要買，咁就證明有幾潮。」
JaniceMan：
「我覺得應該係ToyPoodle玩具貴婦狗熱潮，以前行街冇見到咁多ToyPoodles，只會偶然先至見到，但係今年周街都見到有，連我自己嘅朋友個個都養。」
AngelaBaby：
「BlingBling閃物今年勁潮，乜嘢都係閃。我覺得整容潮都係潮事，呢排特別興！」
陳刀︰
「07潮嘢好多，潮事係陳太打低葉太。講番潮物，我反而覺得係RayBan。當一個老牌肯追上潮流，出三種新顏色的復刻眼鏡時，係一件可喜嘅潮事。」
李璨琛︰
「我諗係iPhone。因為Apple本身已經係個代表型的牌子，我身邊好多DJ、打碟嘅、做Design嘅都有買佢。其實我都買咗部畀我女友，如果唔潮唔型我都唔買喇！」
Leo︰
「Facebook喇！平時潮物可能只涉及一個層面，但Facebook係連你阿爸阿媽、上司都會玩，你唔可以唔融入去。一樣嘢可以涉及咁多年齡層，好少見。」
最重要當然是我自己的品牌CHAPELOFDAWN推出，作為一個本地品牌，能夠在香港以外的幾個地方包括柏林、洛杉磯、悉尼、墨爾本、巴黎及東京等地發售，我感到非常榮幸和高興。不排除來年會與mastermindJAPAN再有合作計劃。
