花旗股市喺年結前嘅交易日嘗試扭轉跌勢，道指早段反彈過成百點，但係頂唔住啲沽壓，收市只有6點升幅，納指仲要倒跌收場，雖然跌幅唔係好大，但係反映咗好友有心無力。
睇番道指日線圖，花旗股市今晚年結或者都可以頂住𠵱家個位，放完假返嚟就係08年第1個交易日，睇吓到時可唔可以做番齣好戲。
港股上個禮拜五跌咗472點，今日年結兼場外期權結算，半日市都唔會好靜，假後個市唔知點，都係炒個別，航空股個勢幾好，可以留意吓。
國航C輪1235：國航（753）阿頭升職任民航局長，股價逆市升上10.86元收市，睇個款想破12.3元至12.7元嘅阻力區，破位睇14元，可以諗吓隻C輪1235，上周五收2.12元，有效槓桿率3.5倍，正股升上12.7同14元，1235應該喺3.5元同4.6元樓上，正股跌穿10.2元止蝕。