十幾二十年前以清純樣貌、魔鬼身材進軍娛樂圈的「真真」，早幾年因為同飛髮佬嘅不倫戀，搞到滿城風雨，人氣急跌，喺電影圈好似冇乜新搞作咁。
愛迫人表白
最近真真又俾人影到佢翻兜前才子男友「好人」，記得當年已經有家室嘅好人，為咗同真真一齊而搞到離婚，點知佢拋棄糟糠之後，真真就飛咗佢。𠵱家好人又黐番埋真真度，關仁都戥佢擔心。
事關早排關仁先見到真真喺一間夜店同個西裝友打車輪，聽講真真同飛髮佬散咗之後，拍過無數咁多次散拖，而且佢有鋪癮，好鍾意迫啲男人同佢深情表白，但表白之後佢對人嘅興趣就會大降，真真成四張幾嘢，估唔到仲玩埋啲𡃁妹玩嘅遊戲，睇怕好人都係逃唔過俾真真玩嘅命運咯。
Textby關仁
