公仔箱「數字高層」最興用廉價勞工形式，縛死旗下一班新晉男女藝人，呢班新人以為公司搵佢簽約，可以泊住個好碼頭，以後就有運行，星途一片光明。
不過當佢哋動筆簽紙賣身時，睇清楚賣身規條，佢哋先發現自己係零底薪，好可憐，當想拒絕簽約，或者想拎份合約諮詢律師意見時，數字高層當然唔肯畀佢哋有選擇權。立即使出絕招，關仁聽聞係幾個高層困住個藝人喺office，仲鎖房門，同佢用疲勞轟炸形式迫佢就範，軟功冇用就用硬功，唔肯簽約就唔准走。聽聞好多女藝員怕得罪公司，就乖乖簽約。關仁覺得數字高層咁樣做，同啲恐怖分子挾持人質冇乜分別，𠵱家做藝員啫，又唔係做奴隸，原來藝人背後都好坎坷。
Textby關仁