徐子珊、楊思琦、楊秀惠及黃宗澤等，昨日於將軍澳宣傳無綫劇集台播映的《千謊百計》，眾藝員為宣傳劇集更即場大玩遊戲，其間徐子珊及黃宗澤被安排互餵食朱古力。
徐子珊自言該劇集於05年拍攝，更是她首次擔正女主角的劇集，雖然兩年多後才於收費台播出，但未有感到可惜，她說：「自己諗住套劇都唔會播，𠵱家有得播梗係開心啦，我聽聞海外反應都好好，所以都好有信心。」
傳被包當宣傳
楊思琦於劇中飾演聾啞人士，故學了不少手語，思琦昨日更即場以手語介紹自己於劇中的角色。至於近日與孫耀威傳出緋聞的楊秀惠，自言對於有報道指她被男方包養大感不滿，她說：「為咗呢件事我都好唔開心，唔識我嘅人會覺得我會係咁，對我嘅形象好有影響，大家都有手有腳，講到我好似貪佢有車有樓咁，我哋只係朋友，孫耀威都有打電話畀我，佢話唔好意思，我都同自己講咪當宣傳囉。」
採訪：王崇穎 攝影：陳順禎
