廚房七件事柴米油鹽醬醋茶，07年變成香港「大件事」，豬牛雞菜甚至罐頭都狂加價！廚房事件成為香港大事，還有中環、灣仔街市的遷拆保育問題；食材的八彩胡亂添加蘇丹紅、孔雀石綠，所以廚房07大事回顧，不但主婦要睇，係香港人都要睇！
記者：廖秀娟
鳴謝：OwenLai@一番食材、city'supersuperlifecultureclub行政總廚CharmaineCheung、註冊營養師（英國）陳國賓
no.1
食材勁加價 入口貨更抵
根據廖太即我媽咪大人的資料顯示，過去一年，瘦肉由$19.9/斤，加至$40/斤；牛肉由$36/斤，加至$52/斤，長城牌細罐裝午餐肉$6.9/罐，加至$7.9/罐，幾乎所有食材皆有顯著加幅，作為主婦，慳不是唯一策略。
南美肉最便宜
據有20年買賣入口肉食經驗、高級超市「一番食材」老闆兼香港和牛最大批發商「牛陣」的市場顧問Owen獻計：「主婦想食得醒目或慳錢，可以改試入口貨。巴西凍肉質素跟內地嘅差唔多，但價錢更平，以金錢𦟌為例，吉之島只賣$19.9一大包（約11両），但香港的肉檔想買金錢𦟌還要靠人事，因每隻牛只得約2斤金錢𦟌，貴至近$60/斤的貨多已賣到食肆，熟客未必可得；其他巴西的豬牛雞肉也相對抵食，想慳錢，南美的凍肉可考慮。」
美日貨最抵食
至於想在加價熱潮下食得醒目，高級的入口貨相對更抵食，其中美元、日圓滙率無大變動，貨價更穩定；碰巧超市總有的一兩款特價傾銷，例如2兩星期前將軍澳Taste開幕，所有宮崎和牛半價；Owen的「一番食材」這兩月的特價美國安格斯炒牛肉，由$42/100克減至$25/100克（約$150/斤），比平日正價平一大截，更加是嘆高級貨的時候。
查詢：
吉之島31489228
一番食材28918966
Taste26068658
no.2
食物大污染 有機大有機
孔雀石綠魚、蘇丹紅雞蛋、基因改造大豆、荷爾蒙雞鴨牛豬大閘蟹……數之不盡，日新月異的「新品種」食材，07年不斷給我們「驚」喜！
受不起驚嚇的人，轉向「復古」的有機生活，一切只要天然。十月九龍站最大的有機超市ThreeSixty開幕，天后電氣道一帶都是有機食品店，不再單賣入口糙米及健康食品，新鮮的香港有機菜、自家農場無荷爾蒙雞牛豬肉亦有供應，其他地區亦散見專賣本地新鮮有機食材的店舖，有機生活慢慢成為時尚。
查詢：
菜菜子25711669
土生土長25662808
ThreeSixty21966066
no.3
拆中環灣仔街市 趁機再逛幾次
07香港大事回顧一定少不了各大小保育事件，街市由漸漸被唾棄，至上神枱變成文化「遺址」；中環嘉咸街市節玩足3星期，由周中師傅、陳四萬合力宣傳，大家都肯用心重新認識、珍惜街市的價值。
街市有甚好處？灣仔街坊曹小姐說：「相熟檔口有人幫你揀、教你煮，你知道鹹蛋有分蒸用的和滾湯用的嗎？」我真的不知道，只知在嘉咸街市買到的新鮮香草，比高級超市的更平更靚，海鮮的種類又比超市多，四周圍的老店可買到「瀕臨絕種」的本地製醬油。
no.4
廚具大革新 電磁爐搶入屋
無火煮食推行了很多年，一般人仍覺得「無嚟鑊氣」，不肯接受。今年訪問過很多專業廚師，態度大有改變，「電磁爐好好用，不想用回明火氣爐了。」以往對電磁爐有偏見，不如聽聽專家及用家的意見再決定吧！
city'super行政總廚Charmaine
用了電磁爐3年
「傳熱比一般快四分一時間，即是慳了時間金錢，熱力還可仔細分1-9度，傳熱均勻，令煮食效果更好，如煎牛扒可全片一齊熟，不會中間位特別熟，以前做不到；煮海鮮亦因快熟而可以更保留肉汁。」
用家屯門劉太
大有心得
「我轉用電磁爐係因為煤氣費太貴，以往一家四口煤氣費（每兩個月計）$1,100，轉用電爐後，煤氣費只需$300；電費（每兩個月計）由$600加至$800，慳咗成$600㗎！而且煮餸時間快咗，煲湯快滾啲，炒肉亦快熟啲，自然用少啲電，不過轉電磁爐時要預多筆錢，用來換過晒啱用嘅煲呀！」
no.5
健康飲食潮流 素食變成時尚
以前食齋很老土，現在Stephy食、陳志雲食，變成時尚成功潮人的生活態度。今年除繼續吹「五色均衡」之風，電視有《開心聊齋》及《志雲上素》帶大家食時尚素食，叫你知道素食並不「齋」，還很Hip！
註冊營養師陳國賓說煮時尚素菜並不難：「現在多為身體健康，所以吃素的範圍可以更大。」根據五色原則，多加奶蛋類，攝取只源於動物的維他命B12，營養便足夠，「怕味道太寡，可以蝦米、瑤柱這類高鈣的海味吊味；或多用豉油、腐乳、豆豉之類的醬料添味，素食也可以惹味有營養。」
