曾跟不少歌手合作的著名本地攝影師JC，昨日下午在養和醫院因癌病逝世，記者致電其好友張敬軒時，張敬軒情緒顯得十分低落並說：「今日下晝有人通知我JC走咗，聽到消息我都呆咗，之前我探過佢，佢情況都OK，總之嚟緊有啲乜嘢我都會幫手。」
曾跟JC合作的楊千嬅，昨晚在天水圍做騷時說：「今日下晝聽到呢個消息，好突然，我三個禮拜前先至探過佢。如果佢屋企有乜需要，我都會幫忙。」早前JC一班好友為JC舉行個人攝影展，一償JC多年心願，而劉德華更曾親撰短文為他打氣。
爆阿叔報假案
此外，張敬軒、關楚耀及鄧健泓等昨日到翔龍灣廣場出席「音樂熱放迎08音樂會」，軒仔透露早前冬至家中發生不愉快事件，他說：「冬至我約咗成家人同嫲嫲食飯，阿叔負責去接阿嫲，當日阿嫲打咗20個電話畀阿叔問佢幾點到同用乜嘢車接佢。阿叔好嬲，打電話報警話阿嫲住嗰度有人跳樓，阿嫲落到樓就見到有兩架消防車同警車。」
採訪、攝影：李珮洳