雖然蘋果波神已經外遊充電完畢，但佢話見我上期喺〈開倉版〉中得咁應，話一於唔好停，所以今次主打嘅仍然係我，而推介仍然係燕豪芬，相信燕豪芬周日主場迎NAC時，[-1]順利開「主勝」。（球賽編號：星期日7；無綫收費電視26及now826台今日9:30pm直播）
有人或者會問：「又燕豪芬？悶唔悶呀？」我就覺得只要長追長有，又點會悶呀！燕豪芬喺前仗主場大勝烏德勒支4:1後，上場聯賽作客格羅寧根即刻輸1:2，仲要係先贏後輸，相信令唔少捧場客損手。
NAC往績近況皆遜
不過佢哋周日迎戰NAC時，相信係本利歸還嘅時候，因為燕豪芬呢場幾近「夫添」，主力如前鋒法芬、高化文斯及中場西蒙斯等全可披甲，而且近6次迎戰NAC4勝1和1負，而NAC近況又麻麻，繼前仗遭海倫芬大炒5:1後，周中喺主場對維廸斯亦輸1:2，今役仲要作客，燕豪芬[-1]呢個「主勝」應可以手到拿來，合心水仲可吼埋燕豪芬贏3:0或3:1。
至於啱啱遊完英倫嘅蘋果波神，就大力推介佢嘅愛隊屈福特，話屈仔近6場聯賽主場未嘗一勝，今晚迎戰昆士柏流浪可反底。雖然蘋果波神同屈仔冇乜緣，但佢嘅話未嘗冇道理，而且屈福特兵源夠，啱打快車賽期，對手昆士柏流浪，上仗喺補時階段先輸波，士氣受損。
撐硬西布朗熱W
喺英冠榜首同屈福特打生打死嘅西布朗，周六迎戰有後衞奇里夫拜尼停賽嘅斯肯索普，亦勝望濃。個人嘅英冠推介，就係周六早場主場嘅錫菲聯可破水晶宮近11場不敗身。因早場一向利主隊，而錫菲聯一班球員面對由前主帥禾諾克領軍嘅水晶宮，定會加多幾錢肉緊，錫菲聯單W有2.05倍，足智彩照開[-1]，梗係有啲嘢！
文：吾中
買嘢講名牌，但賭波一定唔會做名牌奴隸嘅大聯盟女神。
近5場往績：贏走贏贏輸