50歲的舒先生於11月底因心臟病發作，猝然離世，遺下年僅16的獨生子阿南面對茫茫前路。現時阿南隨着已與父親離異多年的母親一起生活，惟兩人經濟拮据，正申領綜援金支撐生活。
母子為着無力支付15,580元殮葬費甚感惆悵。
蘋果日報慈善基金了解情況後，已撥款直接向殯儀公司支付有關費用，以解其燃眉之急。
自從父母約10年前離異後，阿南便與父親相依為命，父親猝死，對他造成莫大打擊。阿南低聲訴說﹕「爸爸讀音樂出身，以教小提琴賺錢。嗰晚佢同平常一樣去上堂，我突然收到教會嘅電話，話佢入咗醫院，要我即刻趕去，我去到時，佢哋就話爸爸已經過世。我當時個腦一片空白，唔知點算好……之前爸爸身體好健康，成日去晨運，𠵱家突然走咗，我真係唔捨得。」
感激蘋果基金撥款
目睹兒子黯然的表情，舒母只能輕嘆﹕「嗰段時間我唔喺佢身邊，多得親友照顧佢。聽佢哋講，阿南嗰陣好傷心，喊得好犀利，𠵱家情緒已經平復好多。」
不過，現年48歲的舒母早前同樣證實患有心臟病，一年前更曾因病發幾乎送命，此後在醫生建議下停止工作。
由於她手頭的積蓄幾已用盡，無力憑一己之力撫養兒子成人，故母子二人正向社會福利署申請綜援，以維持日後的生計。他們感激蘋果日報慈善基金撥出殮葬費以解其困。
捐款編號﹕C2478