畢傑由平安夜起連放9日假，呢期〈畢賭翁〉都係喺屋企寫，不過呢個假期好悶、好寂寞，掛住一眾名家戰友、掛住肥仔。
08年，我希望有個新畢傑出現，但好多嘢都想還原，保留某種感覺，我會盡力去做我應做嘅。聖誕自己唔開心，最唔想就係影響到屋企人都唔開心，對唔住呀媽咪……祝大家新年快樂啦！
唔開心嘅事接二連三，同幾位老死去飲嘢都可以出事。話說狗仔澄飲大兩杯屎水搵酒噴我，識我嘅朋友都知我好脾氣，因為我成日都費事搞大件事。朋友玩我「最緊要高興」，假如係隔籬嘅人噴我……好彩跟住有單超好笑嘢，喺度唔方便講，烈兄分享番！嗱，狗仔，我真係冇嬲喎。
少玩英甲，揀啲快車期連享主場之利嘅球隊，要般尼茅夫。
文：畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。
讓球：般尼茅夫（平）
心得：唔使郁好大優勢
近5場往績：贏贏贏贏輸