特首文革曾上月去北京述職後，轉到廣州拜會省委書記張德江，懶醒爆響口恭喜張書記即將升官，文革曾犯內地官場禁忌，張德江面露慍色，喺傳媒鏡頭前黑口黑面對住佢，全港市民都喺電視一清二楚睇到文革曾出醜。
張德江上月底調走，新省委書記汪洋今個月到任，文革曾即刻求見，下禮拜五去廣州半日拜會汪洋，呢次只係帶特首辦四個下屬出動，冇局長傍住，講明係禮節性會面。新官上任三把火，汪洋甫履新就喺省委全會上向幹部訓話，大鬧有一成人唔開會，又指示深圳要以新加坡、首爾為競爭對手，言下之意國內城市，甚至香港都不必放在眼內。汪洋咁寸，文革曾今次拜會新官，隨時又出醜收場。