亞視下月會推出文化資訊台，同港台合作播文化藝術節目，噚日港台助理廣播處長（電視）張文新（左）同許鞍華（右）等喺尖沙嘴出席記者會。張文新早排涉嫌醉酒駕駛，問佢聖誕節同元旦會唔會飲少啲？佢話：「最重要嗰句，飲咗酒就唔會揸車。」單案𠵱家點？佢話未判，但會同警方合作。至於許鞍華話前日落石級時拗柴，搞到右腳骨裂，𠵱家要靠枴杖。