聖誕佳節過咗，嚟緊就係元旦嘞，喺呢度同大家講聲：「新年快樂！」話說呢期政壇普選熱話期間，最高話事人「煲呔曾」避走大海，咁又係呀，家陣將個波交咗畀中央，佢梗係靜觀其變，與其同班民主派硬拼，倒不如避之則吉。
其實每個人嘅處理手法都有唔同，有人選擇逃避，亦都有人勇於面對，但「煲呔曾」揀逃避咪盞教壞下一代。我覺得佢應該好好向今季被罰降班英甲嘅列斯聯學習，縱使樹倒猢猻散，但總得面對現實，與其靠運、自我放棄，倒不如選擇自強，或者有轉機都唔定呢！
家陣列斯聯去到聯賽榜第三，呢份堅毅真係值得尊敬。今晚同「一哥」史雲斯大戰，勝負難料。個人認為列斯聯唔會坐以待斃，就算敗亦會盡力一搏，上演「大」戰娛樂球迷！
文：賴恩
以小博大，務求打破上季命中逾千倍波膽過關紀錄！續拒雞肋回報！
大細：史雲斯大
心得：列斯自強不屈抵撐
近5場往績：輸贏贏輸輸