4年內3度涉足英倫，幾萬人喺現場睇波嗰種感覺、見到施治企喺我面前救波、見到賓特拿頂破熱刺，全場大部份球迷歡喜若狂，那一刻幾乎眼淚水都標埋，金錢係好多嘢買唔到嘅，此刻何價，真正感受到！
今次完成去晒倫敦5大球會球場睇波嘅壯舉，對一個英國足球波癡嚟講，夫復何求。夠喇！下次應該去吓西班牙魯營同巴拿比奴球場見識吓，擴闊眼界。
去到英國，阿仙奴3戰全勝，我一返嚟，佢哋即刻冇咗榜首位，今次捧番兩支跌落「2哥」嘅球隊，阿仙奴同英冠屈福特！
文：蘋果波神
股市大旺，英超盛世，大家齊來贏多啲！
讓球：阿仙奴（上）
心得：兩支2哥都咁硬淨
近5場往績：贏輸輸輸輸