新城頒獎禮在是非聲中結束，楊千嬅和何韻詩各得3個獎，比同公司師妹衞蘭少半個，二人在慶功宴上說話不客氣。千嬅對於遲到行紅地氈而新城連其名字都沒宣佈，冷言相對說因此對稍後的頒獎禮新人獎甚有信心，她說：「我新到連名都唔記得呀。」何韻詩則揶揄金牌歌手缺席也有獎，要恭喜他們慳回出席的化妝費。
新城電台主辦的《新城勁爆頒獎禮2007》前晚在會展舉行完畢，廣派115個獎仍未能皆大歡喜，金牌及SillyThing的歌手全部缺席，但有獎有到場的歌手也不代表開心滿意。前晚女歌手以容祖兒得4獎最多，因食物中毒缺席的衞蘭也有3.5個獎，楊千嬅和何韻詩各得3個獎，比師妹衞蘭少半個，未知兩位阿姐是否因此心存不滿，說話顯得不客氣。
「新到連名都唔記得叫」
前晚歌手行紅地氈環節，千嬅因去廁所致最後才匆匆趕進場，大會連她的名字都漏叫，她在慶功宴上接受訪問表示對得3個獎感到滿意，她解釋遲到行紅地氈說：「我7點到咗場館，真係忍咗好耐先去廁所，好急呀。」當得悉新城沒有叫其名字請她進場時，千嬅面色一沉說：「真係勁爆。」當問到得3個獎的她對未來幾個頒獎禮可有信心，千嬅即語帶諷刺說：「有，攞新人獎啦，新到連名都唔記得叫，仲唔係新人？」談到衞蘭得3.5個獎比她多，千嬅說：「冇所謂，公司啲人有獎就得。」
何韻詩則揶揄金牌歌手，她在慶功宴上談到金牌杯葛一事，先是大笑，然後說：「幾好呀，唔出席都有獎攞，慳番唔少化妝set頭錢，恭喜佢哋慳番啲燈油火蠟，慳番成百萬。」問到衞蘭得獎比她多，阿詩說：「冇所謂，係咪要反枱呀？一係反唇囉，啲獎係你哋先會數住。」
前晚慶功宴上，英皇歌手欲大合照時，林峯正接受訪問，身為一姐的祖兒似乎不耐煩，她說：「呢啲嘢睇緣份啦。」其經理人霍汶希即識趣謂先吃東西再影，以免祖兒站着等。
陳奕迅接受訪問時談到金牌也得13個獎，他說：「獎係睇今年成績，嚟唔嚟我冇comment，佢哋嚟演出對頒獎禮生色不少，唔嚟都有佢哋理由，呢啲唔關我事，佢哋有獎係應該嘅。」有指金牌是因古巨基得獎比他少才杯葛，陳奕迅說：「我唔知，一個頒獎禮以音樂為主，唔係簡單要幾多個獎。」
朱明銳：明年再搞
新城娛樂台台長朱明銳接受訪問，談到有指今年是新城最後一年舉行頒獎禮，他否認道：「出年一定有得搞。」至於李麗蕊與鄭啓泰等傳聞將離職的DJ是夜沒份當主持，他說：「佢哋做亞視節目，咁個騷無綫會播，敏感啲。」對於新城裁員及大改革一事，朱明銳謂稍後會有公佈。金牌的獎項會請專人送到唱片公司，問專人是否他自己，朱明銳說：「唔需要我親自送，金牌親自開門我咪去囉。」
採訪：駱華齡、王連連 攝影：仇志德、陳慧安
慶功小八卦：無聊人侮辱歌手
前晚大班歌迷一早到勁爆慶功宴會場樓下等偶像歌手到場，一群約7人的滋事年輕人竟趁機搗亂，他們先猜拳，輸了的人要向歌手問問題，當看見啤梨葉文輝及張繼聰時，問題是：「借一百蚊畀我呀？」啤梨回應：「我冇錢呀。」張繼聰則保持沉默，關心妍聞得他們問「可唔可以同你隻揪」時，則無奈地扮聽不到。Freeze到場時，問題更帶有侮辱成份，他們先談好要問：「可唔可以×你。」但當Freeze三嬌走過都沒人問，但卻有人大叫：「膠波，假波。」行為十分可恥。
一網講盡：亂分豬肉差到爆
今年的「新城勁爆頒獎」在一片是非中舉行，整晚繼續往年「分豬肉」慣例，共頒發115個獎項，但卻未能做到皆大歡喜，惹來網友在討論區群起攻之。
willischung：我從來冇睇過啲令我咁火爆嘅頒獎禮，分豬肉已經係差，仲要亂分。
小艾草：Sunboyz、Mandy（蔣雅文）同李逸朗嗰啲竟然都有獎。
IRISGIGI：Janice（衞蘭）點會多過千嬅同hocc（何韻詩）㗎，冇病呀？
奕奕星神：不知所謂，啲獎亂咁頒，真係超級無奈，算喇，鬧劇一場。
Ash_Lii：我唔明佢啲獎項名稱係點解，個個都好似係一樣，但分咁多個做咩呢？
資料來源：香港討論區
