【本報訊】全國人大常委會明日將決定香港2012年雙普選命運，天主教香港教區主教陳日君樞機昨日首度開腔，表明仍堅持2012年要落實雙普選，若遭人大常委會否決，除非中央列出2017年普選特首的具體選舉模式，接納真正民主的選舉辦法，並非一張空頭支票，香港巿民才會勉強接受。民主黨創黨主席李柱銘認為，中央必須提出普選的終極方案。 記者：張嘉雯、莫劍弦
陳日君接受本報訪問時表示，會堅持爭取2012年雙普選，「𠵱家已經好遲，本來話係07、08年，等多一年都係多餘，到真係2017年，你唔知佢畀咩你，可以係民主方案，都可以係不民主方案，如果話要先篩走咗啲異見分子，嗰啲唔係民主。」
「點解唔聽香港人意見」
他批評，香港多數人認為普選越快越好，特首曾蔭權提交人大常委會的政改報告卻硬指2017年推行普選較可行，是荒謬的說法，「如果畀香港人選擇，多數人都會揀2012，如果2012年唔得，先會勉強接受2017。」
陳日君解釋，除非列出2017年普選的具體選舉模式，接納真正民主的選舉辦法，香港巿民才會勉強接受，「我唔明白點解唔聽香港人嘅意見呢？因為既得利益嘅少數人將自己嘅利益睇得重過我哋嘅權利。」他認為特區政府應勇於向中央表達巿民的普選訴求，「（中央）怕乜嘢呢？怕有咗民主之後嘅新香港會造反？以為喺民主制度下資本主義會受到損害？無理由。」
他坦言對目前的局面感無可奈何，但仍會繼續爭取，「根本無人推得佢郁，除非有一百萬人行出嚟啦。」
有泛民主派立法會議員認為，陳樞機對2017年普選特首的要求與立場，相信也是支持雙普選市民及泛民主派的底線，若人大常委會連此底線也達不到，泛民主派不會接受中央方案。
立法會議員李柱銘形容，現時局面猶如一輛無號碼的巴士停在眼前，「架巴士無號碼，連個司機都唔知下一站喺邊，叫你上咗車先傾，咁上唔上車好？你咁樣我真係無辦法上車。」
李柱銘認為，中央必須提出明確的終極普選方案，若中央傾向放手，由港人自決，應先承諾若獲立法會三分二議員支持及特首同意，就可以推行普選。
中央開綠燈立會會通過
李柱銘指，現時泛民在立法會擁有26個議席，若中央為普選開綠燈，特區政府及保皇黨不會與民為敵，取得40票支持並非不可能，屆時加上特首同意，有望2017年推行低門檻的特首選舉。
公民黨立法會議員湯家驊認為，中央不會確切回應普選方向，「十年之後，已經唔係呢屆政府，好難要佢哋做啲影響下屆政府嘅嘢，就算佢𠵱家講到天花龍鳳，到時都可以係一派空言。」他希望港人可以在關鍵時刻站出來，「多啲出嚟表達意見，唔係我哋話罷唔罷工，群眾活動要有群眾支持，希望香港人唔好忘記普選，咁香港遲早會淪為內地一個普通城巿。」