「男嘅去男廁、女嘅入女廁」，成年人都知道？看來不然。有男網友某日與友外出，到男廁「交水費」時，門外竟有一少女以「裏面有人」阻其內進，他不甘道：「梗係有人啦，公家㗎嘛。」少女答：「我朋友喺裏面。」眾人推門一看，只見一女子正在化妝。
女子見有人「擅闖禁地」，竟大叫：「你地入嚟做咩，信唔信告你偷窺、非禮吖嗱！」眾人跟她據理力爭，對方聲大夾惡：「我用緊就變咗係女廁！咁仲唔叫偷窺？」其男友也加入戰團幫腔。男網友最後反問護花使者：「你𠵱家衝入女廁，話你用緊所以變男廁，叫女仔出晒嚟，如果無事，就我哋衰，你想點都得。」情侶自知理虧，最後死死氣離開。
網友建議男士報警
其他網友看得咬牙切齒，「紅字人」直斥：「以女性角度、影衰晒我哋！」「犬養學富」則建議，「唔好講咁多，大家都唔好離開，搵警察嚟評理，跟手拍片！」有研究指女性如廁時間一般為96秒，男士只需70秒，造成女廁排長龍確實惡搞，但借男廁用總不能聲大夾惡吧！
http://forum.hkgolden.com/view.asp?message=1083702