劉德華日前在聖誕夜的個唱上，特地選唱一曲《今天》送給來捧場的鍾鎮濤，華仔覺得此曲歌詞很貼合阿B面對人生起伏的從容態度，阿B聽着華仔及全場歌迷拍掌和唱，感人氣氛讓他淚流滿面，華仔也哽咽至唱不下去，兩個男人友情可貴，阿B表示這個聖誕令他畢生難忘。
鍾鎮濤（阿B）於日前聖誕夜帶着女友范姜與兩女兒到紅館欣賞劉德華演唱會，開心進場卻哭着離場。當晚華仔演出至中途突然說：「我要好多謝一個人，每次我開演唱會都喺台下支持我，好多謝B哥哥。我今晚特別揀咗一首歌要送畀你。」
從容面對逆境
於是華仔對着阿B唱出《今天》，全場歌迷拍掌和唱，阿B也站起身拍掌，未幾即感動得淚流滿面，在旁的范姜遞上紙巾，華仔唱至尾段也忍不住哽咽唱不下去，於是拉低帽子遮掩哭相。兩個大男人台上台下感動落淚，場面溫馨。
完騷後，阿B特地到後台向華仔說GoodShow，二人擁抱一番，阿B小女兒鍾懿向華仔說：「MerryChristmas！」精靈之極，華仔即親吻她並大讚她可愛。
其實華仔為阿B新推出的自傳《麥當勞道》寫的序言中，已提及覺得阿B從容面對人生起伏的態度，讓他想到其歌曲《今天》的歌詞，故特別獻唱此曲贈阿B。事後阿B笑說：「都唔知華仔係咪特登整蠱我，聖誕節搞到我喊晒。當時佢突然話要唱首歌送畀我，我已經好surprise，啲歌詞係我嘅心聲，好似特登為我而寫咁，加上現場氣氛，全場歌迷一齊拍手一齊唱，我先會忍唔住喊咗出嚟。我細女都玩到癲晒，由頭到尾跳晒舞，今個聖誕我哋一家人都好開心，我覺得好難忘，未試過聖誕節對住萬幾人喊。」阿B謂雖然與華仔不常見面，但只要一通電話，他們都會二話不說互相幫忙，這種朋友緣份是很難能可貴的。
《今天》歌詞（節錄）
走過歲月 我才發現世界都不完美
成功或失敗 都有一些錯覺
滄海有多廣 江湖有多深 局中人才了解
生命開始 情不情願總要過完一生
交出一片心 不怕被你誤解
誰沒受過傷 誰沒流過淚
何必要躲在黑暗裡 自苦又自憐
警告取消握手
華仔連日來在演唱會上與歌迷握手時，都幾乎被瘋狂熱情的歌迷拉落觀眾席，前晚他更被拉至跌倒地上，華仔後來舉起右手，只見其手背現出血痕，他開玩笑警告觀眾說：「如果你哋唔剪指甲，我會取消握手環節，我返去點同我啲女交代呀？交代到一個都交代唔到第二個啦，我咁多女人。」有歌迷大叫：「你過嚟，我錫番。」華仔笑謂：「仲過嚟？你信唔信我打你吖嗱？」惹得全場大笑。
撰文：丁寧
