組Band難，散Band更難。05年9月成立的本地五人男子樂團朱凌凌，經歷兩年零3個月歲月，現正瀕臨解散邊緣。由古怪樂隊名開始，到他們那頂毫無美感可言的白底紅字Trucker帽，甚至近排你朝見口晚見面的那批露肉海報，在香港，很多人都對呢五隻嘢抱着懷疑甚至不屑的態度。但朱凌凌倒是非常認真，認真到在如此這般的市道還要出唱片，跟住下個月，仲要將無乜人有興趣知道嘅自己事認真地搬上文化中心舞台賣飛公演，認真地告急到影八月十五裸照，可惜港鐵拒登！
記者：梁敦濂
攝影：伍慶泉
無「筆直」上街做騷救亡
朱凌凌告急，舞台劇主辦單位「好戲量」即時諗計，決定全體總動員落旺角行人專用區搞個別開生面的造勢音樂會，唱歌之餘仲加插遊戲環節「海盜船」同即興互動集體創作歌「甩甩凸凸」，用最平嘅方法為他們谷起人氣。這種集搞笑同其他表演形式於一身的街頭Presentation，令連睇慣Show的香港人頓覺相當新鮮，圍觀人數竟然一度多達三百！以平日朱凌凌的號召力計算，這叫奇迹。
其實5位朱凌凌人均受多年正統及非正統劇場訓練，尤其精於Improvisation（即興創作）及形體表演，幾名成員求其互相吹兩句便會狂爆Gag位。正式表演前，白只話「海盜船」基本上係一個親子遊戲，但由於有大量身體部位的親密接觸，所以都好適合需要為關係增添情趣的情侶私底下慢慢玩。
肥仔變身
「海盜船」
街頭反應
港鐵拒登裸照海報
朱凌凌音樂劇場《博到單車變摩托》的旺角造勢音樂會場地上，展示了一幅12呎×12呎的露股靚Banner，引來不少攣直途人圍觀兼拍照，勁有氣氛！可惜同一張海報卻被禁掛上港鐵廣告燈箱，令朱凌凌大失預算，白白流失了每日數以百萬計的人流。成員朱謙：「你估我哋真係以為自己個PatPat好靚咩！其實呢張Poster係有藝術意味喺裏面嘅，等於外國那些反皮草活動，啲名模呀明星呀唔係為剝而剝，亦唔係有任何色情成份。Nudity可以係一種ArtForm，我哋嘅意圖，係要表達朱凌凌今次嘅告急到底有幾急。呢一刻，朱凌凌願意博到盡，博到臨尾連衫都無晒要着草，但係都係要博，希望單車變到摩托！」明未呀，周松崗？
真的散Band了？
《博》的故事靈感源自一個希臘神話，一個名為西斯弗斯（Sisyphus）的大力士，因為洩露天機而被眾神之王宙斯處罰。西斯弗斯每天都要把一塊巨石推上山，但往往一到山頂，巨石就滾下來，直落低谷。於是他不得不再把它再推上去。就是這樣一次又一次地推上去，滾下來，沒完沒了。
所以，朱凌凌人都異口同聲話，希望透過《博》來傳遞追求崇高理想那種堅毅不屈的精神。朱謙形容，這是一個「你唔推就輸硬，推又唔會贏，不過起碼話畀個天聽你其實唔想輸」的現實。現實，不容你輸，所以「我哋搞Gag搞表演都係想鼓勵人博，唔係賭博，係為夢想拼博嗰種博，最後單車變唔變成摩托，其實唔太重要，最緊要係為自己的理想，建立屬於自己嘅品牌。」朱康表示，對《博》有共鳴的人，都是願意為搵理想而去博老命的人，「現在這個心態未成氣候，但係《博》的出現係要催化年輕人去博的文化，就算我哋最後都要散，都唔使悲哀，任何事都有散的一日，一日未散一日都要博，嚿石跌落嚟唔緊要，照推上去，總有一日個天會聽到。」
朱凌凌音樂劇場
《博到單車變摩托@真的散Band了》
故事大綱：全新男子組合滿以為可以音樂俘虜人心，刺穿偶像文化，但卻遇上眾多考驗，以為今次散硬Band了。點知柳暗花明又一村，無端端出現了一部單車，他們於是確定要博到底，甚至博到下半生的幸福回來，到底單車可唔可以變到摩托？
主演：朱凌凌
導演：陳淑儀
編劇：龍文康（憑電影《門徒》獲金馬獎最佳原創劇本提名）
演出地點：香港文化中心劇場
演出時間：2008年1月3-6日7:30pm,
2008年1月5-6日2:30pm
票價：$240/$180（學生優惠）
網址： http://hk.myblog.yahoo.com/juicyning08及
http://www.fmtp.net
圈中好友大力撐
