蔡依林前晚現身新城頒獎禮領獎，噚日朝早11點由工作人員陪同現身機場飛返台灣，有幾名歌迷追住佢，蔡依林就有求必應，入閘前向大家揮手，最難得係佢不施脂粉，自信十足。佢前晚喺慶功宴上話對成績好滿意，唔介意大會將佢同緋聞男友羅志祥安排一齊坐，佢又話自己超性感打扮已做足防走光措施，佢話：「我穿了安全內衣和小可愛，不怕。」