上周《金融時報》撰稿員Guerrera話：「大家應該可憐股神畢菲特。因為以前信貸危機中，畢菲特往往都係有大把現金，走出嚟執平貨嘅人。不過今時今日，就有來自中東、中國、新加坡等國投公司，出嚟爭。仲有，畢菲特好強調要有良好企業管治，所以，想搵人注資嘅，都鍾意唔干涉內政嘅國投。」
基本上Guerrera儍嘅。畢菲特好似爭唔到入資機會，唔係因為爭唔到，而係未發功。孫柏文覺得，啲國投係世界終極「儍錢dumbmoney」。多都唔使講，淨係睇吓新加坡就知問題所在。如果淡馬錫輸大錢，個皇親國戚話事人使唔使落台先？咪就係囉。
仲有，呢場金融風暴嘅結尾，畢菲特嗰種「粗暴干涉企業內政」嘅聲譽，會令佢大受歡迎。啲公司管理層，分分鐘會提供大幅折扣畀佢，希望借佢聲譽翻身。佢應向《金融時報》講句：「不要為我流淚。Don'tcryformeFT。」
總結07年的金句
"Whenthemusicstops,intermsofliquidity,thingswillbecomplicated.Butaslongasthemusicisplaying,you'vegottogetupanddance.We'restilldancing"
音樂繼續播
「喺信貸融資議題上，音樂停播時，就真係會難搞。不過，啲音樂一日繼續播，你就要起身跳舞。而我哋仲跳緊。」07年7月10日，當時仲係花旗集團總裁嘅ChuckPrince講嘅。
一句說話就能夠解釋，點解雖然好多聰明人都知，對上幾年嘅超寬鬆、過易信貸環境，係絕對唔健康都好，都要繼續參與。
所以孫柏文就揀咗以上一句，去總結07年嘅風風雨雨。
金手指網誌： http://phatdat.blogspot.com