27/12/2007.....
大風
最新動態
小弟一向覺得馬會大細超，對「賽馬」呢個大婆如珠如寶。早幾年賽馬投注額跌，就花樣多多救市，又搵明星撐場，又搞巨額回扣，吹風又話遲啲連全日最佳表現騎師都有得買；「足智彩」呢個二奶仔，又唔係搵唔到，不過重視程度始終爭一皮。
好喇！馬會近來終於為二奶仔做啲嘢，之前搵到啲巴西同德國名家提供吓2線波資訊；𠵱家上足智彩網，用滑鼠射吓罰球，隨時贏件風褸㖭。不過作為賭仔，要求嘅始終係最基本嘢，就係提升番啲水位；「讓球主客和」呢個抽水又高又唔係世界主流嘅彩池，好心取消佢換番「讓球」啦！
好似周日西甲大戰巴塞對皇馬，巴塞單W有1.9倍，皇馬變相受讓半球嘅「讓球主客和」嘅「客勝」只得1.78倍；計一計馬會抽成16個水。唔通班活喺象牙塔嘅馬會大員，眼中只有外圍馬，以為香港冇外圍波、網上足球莊家？
牽牛
英超、意甲、西甲、德甲……一星期有百幾場波，想尋寶，勿濫賭！
http://hk.myblog.yahoo.com/footballexperts/
逢周一至五見報