隔牆有耳:免費報紙 唔係人人有得攞 - 李八方

隔牆有耳:免費報紙 唔係人人有得攞 - 李八方

免費報紙競爭激烈,為提高發行量吸引廣告商,正常情況下梗係派得越多越好,專門刊登招聘廣告嘅《Recruit》可能改行高人一等路線,唔係隨便派畀人,好惜貨。
住北區嘅林先生現正失業,佢同八方講,日前路經上水廣場外行人天橋,見到有人派《Recruit》順手攞份睇吓有冇好路數,點知派報紙位阿姐瞄佢一眼,拎住份報紙點都唔放手。林生開聲問佢攞,對方話唔畀得佢,因為公司有令,今個月中起唔再派畀40歲以上中年人,因為人到中年唔使搵工,派畀佢哋都冇用。林先生質疑《Recruit》咁做係年齡歧視,唔通要扮後生先攞到《Recruit》?
八方向《Recruit》查詢係咪有咁嘅政策,但至截稿時,仍未獲回覆。