每到聖誕等節日都會約人，因為一個人過節好寂寞，今個聖誕夜終於「戰勝心魔」，抗拒誘惑一個人返咗屋企睇碟，靜靜過節；其實最大原因係早幾日已經開始蒲，又食又飲，搞到唔舒服咋。
中醫師關之義教「派對過後」嘅解酒、消滯食療，首先係唔落油炒軟半斤大豆芽菜，再加片薑、4至6両瘦肉煲湯，可解酒利尿去濕；想消滯就用半斤白蘿蔔、一個亁鴨腎、一個新鮮鴨腎、少少瘦肉煲湯。
送《集結號》戲票
除夕嚟緊，又可以點預防醉酒？關醫師話飲酒時含住片花旗參冇咁易醉，呢個方法最啱唔想飲但被迫飲嘅人，例如新郎哥，但關醫師講：「最好唔好飲咁多啦。」
放假最好去睇戲嘞，內地名導演馮小剛嘅《集結號》1月3日先上畫，但我嘅粉絲可以睇先，電影公司送出12月30日優先場戲票30張，有興趣嘅註明姓名、聯絡電話及「蘋果消費BLOG讀者索取禮物」，電郵去mailto:[email protected]，每人兩張，送完即止。
逢周一至周四刊出