發死人財最不道德，但有時又毋須下下諗得太深。悲情城巿雖然悲情，但由食肆到遊戲商都做騷式大派溫情，低處總未算最低。只是誓估唔到連書展都有得發「圍」！第二屆書籍博覽，遠道安排多位天水圍區中學學生及家長，於12月30日出席灣仔會展《天水．違》新書發佈會，「殺出重圍」讓社會上不同的人士都能享受閱讀樂趣。可能讀得書少，我都會諗唔通：何必一定天水圍？
管它是噱頭好有實際裨益好，$2買到本林燕妮、又有$5特區、七折BookList……做人，都係簡單啲好。今年以「名人創作．全城閱讀」為主題，有多達30多本本地名作家及明星的新書優先推賣，包括蔡瀾、陶傑、深雪、林詠琛等人新作，藝能界廖碧兒、張繼聰都爭做才子才女。論規模梗無暑假書展咁大，但皇冠、博益、明報、天窗等大出版商照樣排排企等你，預料入場人數亦達35萬人次，一啲都無失禮。特別推介台灣書區，展出多達50萬本台灣暢銷書，請昅實《惡作劇2吻人物寫實紀錄》、《惡作劇2吻純愛明信片書》及《魔幻羅盤》等。通俗文化，填充一天節目便好了！
記者：吳佩璇
本月熱辣登場的《天水‧違》，結集作者邵家臻於《都市日報》撰寫有關天水圍的散文。八折後$48（天水圍居民五折，攤位5-D13）
《東京鐵塔》，睇書喊得勁過睇戲，家陣七折，喊多次都要照掃。$75（原價$107，攤位5-A02）
林燕妮的《名人心底話》，跳樓價$2。（攤位5-D24,D13）
日期：07年12月28日-08年1月1日
地點：香港會議展覽中心5號館
入場︰$15
網址︰ http://www.hkbookexpo.com