郭富城上月在港開完個唱後，隨即馬不停蹄展開世界巡迴演唱會，平安夜前夕，他於紐約康州一賭場舉行一連兩場演唱會。親自編舞的城城飛躍高低梯，施展梯子戲法邊唱邊跳，觀眾看得相當過癮！
郭富城在美加舉行巡迴演唱會，未能將香港那50噸的旋轉舞台帶到美加，他特別花心思設計一些新環節來滿足海外觀眾，如他親自編排舞蹈飛躍高低梯，代替香港個唱的高低槓，運用高低梯的層次感來演繹歌曲《飛》和《純真傳說》，同時展現出高低槓的技巧，令全場觀眾報以熱烈掌聲。
紙碎似飄雪
今次在美加演唱會因為受到當地舞台環境的限制，以致未能跟足香港個唱模式來做，城城表示：「其實帶唔到嗰個50噸旋轉舞台嚟美加，真係幾可惜，好似臨尾玩水嗰part都冇咗，因為唔係個個場館可以配合到嚟做，不過我哋後來改為跳雨傘舞，再配合遍地白紙碎嚟代替水花，出嚟嘅效果有漫天飄雪嘅感覺，真係好有聖誕氣氛。做完騷之後，我仲帶咗成班工作人員去食海鮮餐同飲紅酒。」
今接受預訂
完成美加巡迴演唱後，城城隨即返港投入演唱會延續篇的製作會議，因為明年2月他會到亞洲博覽館舉行四場演唱會，門票今日開始接受預訂，城城表示：「上個月嘅演唱會因為反應好好，所以主辦機構決定明年再加開四場，我聽到內部認購幾近全滿，真係今年最好嘅聖誕禮物，出年嘅個唱，我保證會有新嘢畀大家睇。」
撰文：葉雪
