王家衛日前在天后宣傳他執導的新片《藍莓之夜》（MyBlueberryNights），有指《藍》片跟其舊作《重慶森林》有點相似，王家衛卻說：「肯定唔一樣，王菲同NorahJones好唔同，王菲感覺好飄，Norah就好實在，梁朝偉同祖廸羅（JudeLaw）更加唔一樣，唯一一樣係佢哋生得幾生鬼，幾好樣咁。」
王家衛執導此片是先找演員，再寫角色，他說：「Jude試鏡時，我見佢官仔骨骨，畀工人手套佢，叫佢扮大牌檔侍應，佢都話冇問題，因為佢成名前喺餐廳做咗好多年。」問他為何不找梁朝偉與張曼玉拍此片延續《花樣年華》？他說：「對佢哋嚟講冇挑戰，冇難度，所以搵其他人做。」
解釋妮歌恩怨
此外，早前有傳王家衛與妮歌潔曼（NicoleKidman）不和，令兩人原本合作的電影《上海女人》一拖再拖，王家衛說：「之前錯過檔期，跟住佢就結婚，咁佢當然想同老公多啲時間一齊，而呢部戲要喺內地同俄羅斯拍，時間較長。」採訪、攝影：魯萍