26/12/07.....
天晴
最新動態
聖誕節原本係普天同慶日子，偶然放縱一下亦不為過，不過睇見巴西一對「自暴自棄」前鋒朗拿度同阿祖安奴回歸巴西又再蒲過，真係不禁搖頭嘆息。
朗拿度跟住AC米蘭坐飛機河到日本，係咁意操兩課，又話有傷唔上陣，連AC隊醫都話檢查過晒都唔知大哨邊度有傷；大哨日本玩夠，一個屈尾十以養傷為名，返巴西過聖誕假。最近有報道話，大哨同AC米蘭下年約滿，就唔打算續約，睇吓美國同沙地阿拉伯有冇班落。以大哨咁嘅「專業態度」，就算以前個「朵」幾響，睇嚟好多班主都怕怕，費事簽個長期稱傷嘅球員。
阿祖安奴由國米淪落到聖保羅，似乎都冇振作打算，25歲仔，思想同大哨一樣等收山咁，又係一個巴西球員嘅悲劇；唔好話我偏見，我覺得普遍巴西球員成咗名，好快就「回塘」，卡卡只係一個異數。
牽牛
英超、意甲、西甲、德甲……一星期有百幾場波，想尋寶，勿濫賭！
http://hk.myblog.yahoo.com/footballexperts/
逢周一至五見報