唔知係咪聖誕節啲人會特別有愛心，向來甚少就動物權益發言嘅民主黨，噚日突然同動物地球、香港群貓協會搞咗個記招，仲派教育界議員張文光做代表，控訴啲變態之徒虐待小貓，兼批評警方敷衍了事。
八方問向來主要評論教育政策、爭取教師權益嘅張文，點解今次會為動物請命呢？張文解釋，佢身為教協會長，好多老師都有養貓狗，教協亦成日收到啲會員投訴有人虐畜，所以今次由佢出嚟做代表發言都好應該。但原來，成個民主黨除咗主席何俊仁養緊一隻貓之外，都冇乜人養寵物。遲啲何俊仁仲會喺立法會提出動議，建議修改防止殘酷虐待動物條例，加強對付啲以虐待動物為樂嘅變態狂徒。