亞洲遊戲展終於落幕，展商SonyComputerEntertainmentHK今次聘請天水圍居民做臨時工成為新聞焦點，市場推廣部副總經理項明生（James）噚日仲頒推薦信畀員工。
James同八方講開，原來佢曾經係新移民，所以同天水圍班新移民婦女最friend：「我同佢哋講我85年喺大陸落嚟時，都好難先搵到份派報紙工，10蚊一個鐘咋！」
𠵱家打扮一身東洋味嘅佢話，當年成日俾人叫「阿燦」，好理解俾歧視嘅感受，所以當知道天水圍情況後，用咗五日就搞咗招聘會：「好在我team人效率高！」佢噚日頒獎時仲玩埋cosplay，扮成遊戲《真．三國無雙》嘅周瑜，攞住超長道具刀，因為呢排三國hit喎。