徐淑敏噚日到將軍澳出席「聖誕老人變臉表演」活動，現場有變臉大師周元武師傅表演聖誕老人變臉，提到聖誕節，徐淑敏話已經同屋企人食飯慶祝，至於有冇收到男友嘅聖誕禮物時，佢就話：「冇呀，佢係好熟嘅朋友，所以唔會交換禮物，而且我𠵱家忙緊織冷衫畀我兩隻貓仔，冇織畀佢（指男友），叫佢自己買啦。」