Twins、鄭希怡（Yumiko）及張敬軒等人，前晚在荃灣如心廣場出席平安夜倒數活動，現場由龔仁心負責主持倒數儀式。穿吊帶紅裙的Yumiko初頭一直不肯脫下外套，被邀脫下外套影相時更一臉尷尬，張致恆（Steven）即不斷大叫「除衫除衫」，蔡卓妍（阿Sa）也作狀吹口哨，之後Yumiko獨自行到一邊，才肯脫掉外套影相。
入行以來賺最多
阿Sa自爆07年是入行以來搵錢最多的一年，提到今年聖誕節不少台灣藝人來港工作，搶香港藝人飯碗，Twins說：「中港台澳同胞一家人，四海之內皆兄弟，唔會覺得被搶飯碗。」會否覺得此舉對香港藝人構成影響？她們說：「唔可以咁講，有能者居之，叻嘅藝人抵佢，好似軒仔佢係廣州人，一樣有好成績，唔想佢坐貨櫃車返內地，對佢好大期望。」
至於張敬軒提到台灣幫入侵香港市場一事時，他說：「唔好睇小香港同內地歌手實力，自己有睇過報道，我為咗拯救香港偶像派喺度講，下年會走偶像派。」
採訪、攝影：魯萍