今日係普天同慶嘅聖誕節，阿Deep見到有網友喺韓國empas討論區度上載咗好多張韓星聖誕look嘅相，雖然眾靚女李孝利等冇化身火辣聖誕女郎，但能夠畀大家感受到濃厚節日氣氛，都冇乜所謂啦。
靚仔聖誕老人
唔少網友覺得李多海嘅聖誕look最好睇，相信大家都希望好似佢咁，收聖誕禮物收到手軟。韓彩英同金泰希就勝在嬌俏可人，如果阿Deep嘅聖誕派對有佢哋出現，一定畢生難忘。不過有網友就叫韓佳人、韓彩英等有夫之婦滾開，認為佢哋嘅照片阻住網友睇其他靚女，唔通結咗婚就唔可以做聖誕女郎？
除咗聖誕女郎外，討論區都有元斌、Daniel同東方神起Max昌珉等男星嘅聖誕look，如果聖誕老人好似佢哋咁大隻靚仔兼冇大肚腩，相信圍住聖誕老人攞禮物嘅唔會再係小朋友，而係一眾女fans！
此外，女子組合Jewelry自從走咗兩名成員後，隊友朴貞兒同徐寅榮一直作個人發展，噚日唱片公司終於透過blog公開兩名新成員嘅廬山真面目，新Jewelry扮成性感聖誕女郎，喺下月中出碟前，先祝網友聖誕節快樂。
版主：網盜王尊尼Deep
本欄逢周一至五刊出
網址：
http://news.empas.com/board/bbs/read.html?a=172603&b=star
http://town.cyworld.com/starempire