朱古力固然叫人垂涎，若朱古力再加靚女，吸引力自然更叫人無法抗拒。擁有34D惹火身材的動漫Maggie，昨日穿上一件以朱古力製造的性感裝束出席活動，體溫熱得幾乎把服裝融化，不過她早前到台灣工作，暴食3日，換來遮不住的小肚腩，大殺風景。
一向性感示人的動漫Maggie（李曼筠），昨日與陳敏之到黃埔美食坊出席「甜蜜聖誕朱古力奇藝屋」活動，遠道從英國而來的朱古力藝術家PrudenceStaite，用朱古力為大會創作了聖誕屋、一比一的聖誕老人、火爐、梳化、餐具和單人床外，更為動漫Maggie和陳敏之製造了一身朱古力裝扮，包括二人所穿的衣服、耳環和頸鏈等等。
風頭蓋敏之
其中動漫Maggie的打扮最為性感，搶盡同場的陳敏之風頭，陳敏之惟有以笑容搭夠。不過，動漫Maggie所穿的性感上衣卻因不斷移位，令她花了不少時間整理。Maggie說：「好驚整爛件衫呀，同埋件衫好難着，又係咁移位，所以安全起見都係整好先。」現場所見其雖然上圍豐滿，不過卻凸出小肚腩，她說：「我係肥咗呀，呢個事實冇得改變，因為之前去台灣3日做嘢，不斷咁食就肥咗10磅，減咗成個月到𠵱家都未減得番晒。」
禮物要實際
此外，陳敏之透露昨晚平安夜會與一班好友燒烤慶祝，她說：「我要趕住去買禮物呀，因為我同班朋友每年都會交換禮物。希望今年收到嘅禮物最緊要實用，因為上年收到好多唔等使嘅嘢。」
採訪、攝影：藍文浩
