張惠妹前晚喺台北巨蛋舉行「StarTour演唱會」，其中高潮位係佢唱《薇多莉亞的秘密》嘅時候，同四位赤裸上身、只着孖煙囱嘅男舞蹈藝員喺床度大玩5P騷，男舞蹈員嘅手不停喺阿妹身上游走，阿妹又同佢哋互摸，表演十分之香艷火辣，令現場fans情緒高漲，叫破喉嚨。
投入勝於一切
睇相片可以見到其中一位男dancer嘅手似乎幾次掂到張惠妹嘅胸部，噚日記者向阿妹求證呢件事，問佢覺唔覺得男舞蹈員摸佢嘅胸，阿妹話之前綵排時，男dancer只係摸到佢件衫嘅表面，前晚演出時自己就冇感覺到，佢仲話即使真係摸咗，佢都唔介意，因為大家表演時都好投入。
前晚演唱會中段，曹格抱病出場同佢合唱《一眼瞬間》，噚晚阿妹演唱會第二場嘅表演嘉賓，係最近喺台灣紅極一時、星光幫嘅蕭敬騰。
