劉德華前晚在紅館演出第三場演唱會，繼續以好歌會知音，但出現輕微聲沙情況，他見台下歌迷都熱情狂叫，擔心大家會一齊失聲。有歌迷親近偶像心切，差點把華仔拉落台，幸好保安人員上前解圍。
劉德華前晚繼續在紅館開騷，李克勤、Twins、朱玲玲、鄭少秋、莫文蔚和黃子華等都是座上客。雖然只是第三晚，但華仔已開始有點聲沙，他說：「如果大家晚晚都咁瘋狂，我諗唔單止我會失聲，連你哋都會同我一樣，一齊失聲。我仲有13場要唱，都係留吓力好啲。」
指甲刮損手臂
甫開騷，在台下的Twins即不停為華仔打氣，當華仔走近與Twins握手時，更擁着她們。由於歌迷十分期待與華仔近距離接觸，所以當他在演出期間走近觀眾席，觀眾都會拉着不放手，到握手時，觀眾就更瘋狂，華仔前晚幾乎被歌迷拉跌，幸好保安眼明手快上前保護他，他才得以脫身。
華仔每晚都與歌迷熱情握手，手臂留下被指甲刮損的傷痕，有多手的觀眾更趁混亂搶走華仔扮小丑的紅鼻子，他說：「同觀眾握手我都好開心，平日大家難得一見，好多謝佢哋一直咁支持我，就算再握一萬次、一億次都應該。但，當我戴住隻千萬鑽戒時，我就盡量唔握手，小心啲。因為係贊助商送畀我嘅禮物。」
此外，酷愛攝影的朱玲玲，她帶同專業攝影器材到場，準備為華仔演唱會拍下照片留念。克勤看過演唱會大讚華仔表現很好，有101分，而Twins則說：「好好睇呀！我覺得華仔好勁，個騷好好睇，除咗睇華仔，我哋都好鍾意佢舞台上面嘅動物，好可愛呀。」
利智母女捧場
李連杰和利智昨晚帶同7歲女兒到紅館捧華仔場，杰仔在7時先行到場，久沒在香港露面的利智則於晚上8時半與女兒由後門入場，戴上墨鏡的她與杰仔分開坐，刻意低調。利智的出現成為傳媒焦點，最後她也大大方方任記者拍照。
撰文：林妃
