吳天瑜近日在馬來西亞拍攝電視劇《情天南苑》，拍至叫苦連天，劇中身世可憐的她，因連續一星期開工也要拍喊戲，結果哭到聲音沙啞，加上邊拍邊學跳舞，而且要由20歲演到30多歲，每日不停轉妝，結果導致爛面收場，要看醫生診治。
南苑為60至70年代馬來西亞一個非常著名的表演場地，在劇集《情天南苑》中，吳天瑜扮演一個到大城市南苑表演跳舞的鄉下妹，由於劇情講述她在跳舞方面十分有天份，加上不停拍喊戲，令天瑜倍感吃力和辛苦。
「一日轉幾次妝」
天瑜日前說：「我喺劇裏面身世好可憐，媽媽同家姊死咗，跟住爸爸又中風，最近成個星期都拍喊戲，全部都係真眼淚，喊到我聲都沙晒。」日前天瑜更拍到爛面，要睇醫生診治。
天瑜說：「我個角色要由20歲做到30幾歲，但因為好多場面都係跳拍，一日轉幾次妝，搞到塊面爛晒，所以要睇醫生。」說到跳舞方面，原來天瑜除要邊拍邊學跳舞外，稍後她更要與大蟒蛇合演一幕辣身舞，天瑜表示還未跟拍檔見面，已感到心驚膽戰。
盼放假學潛水
今次天瑜到大馬開工開足4個月，預計要待至下月底才完成返港，為了鬆弛神經，一有空她便游水曬太陽，甚至自拍照片留念。雖然她返港後要為新電影開工，但她仍希望向有線方面申請一個月大假休息，天瑜說：「我想留喺大馬一個月學潛水、騎馬同溜冰，因為嗰邊學呢啲嘢好平。」
採訪：林妃
