25/12/07.....
陰天
最新動態
禮拜二冇波賭，對一啲一年365日都要「捕」住足智彩網頁做人嘅賭仔，總算有一日休息，亦都可以反思一吓上周得失。
小弟都犯上腦筋上問題，就係同長勝球隊作對；上周中已經博愛華頓歐協盃輸波斷路，點知半力出擊都可以打低阿爾克馬爾。周日愛華頓作客曼聯，一心以為曼聯可以贏番場大大鑊，「讓球主客和」「主勝」同入球「大」雙注出擊，好彩C朗完場前入12碼，我先唔使雙失，計盤路，愛華頓今仗受讓曼聯一球/球半，都叫贏半格，亞洲盤已經連贏11口，長跟嘅話，你都咪話唔發。
跟住一場意甲米蘭市打吡，又差啲陷入迷思；好友藍鑽石賽前誓神劈願AC有得贏，先別論佢有冇情意結，臨場飛數AC真係越來越熱，好彩理智最後一刻控制住我，呢啲大戰都係睇波算數；結果國米反勝2:1，AC繼續主場未開齋，國米就10連勝，兼且波盤全贏。
牽牛
英超、意甲、西甲、德甲……一星期有百幾場波，想尋寶，勿濫賭！
http://hk.myblog.yahoo.com/footballexperts/
逢周一至五見報