早幾日，香港上市委員會委員吳繼龍走出嚟話港交所（388）研究緊降低公眾認購新股嘅持股比例，呢個消息惹嚟唔少網友批評，佢哋整咗個意見調查，其中洋葱就批評：「港交所話考慮到散戶未必消化到龐大集資活動，即係話大型招股就唔益我哋啲散戶，小型就畀晒我哋啫。」
lovely_c9話咁做係幫大戶幫到出面，~KunZite~就揶揄為「學埋大陸啲衰嘢，大陸抽A股中嘅機會都冇萬分之一，上市就因為貨源少而高開。香港係自由市場，機會應該平等，而且大戶都唔使咁同散戶爭啦，佢哋可以私人配售攞到公司股票，使鬼同散戶爭！」poheung亦好同意，「等大戶多啲貨容易舞上，派畀散戶接火棒，正一港奸所！」而skyjuice就認為，「大型上市公司嘅公眾認購都唔少喎，成日都爆，都唔明點解佢話驚散戶接唔晒啲貨。」
A-Dolphin批評吳繼龍，話佢「完全欠缺理據，吳生一定冇抽過股票，未試過超額幾百倍嗰種痛苦呢……」睇嚟大家反應一致，港交所應該聽吓散戶意見先做決定喇。
http://www8.discuss.com.hk/viewthread.php?tid=6059331&extra=page%3D1