由瀧澤秀明同今井翼組成嘅「瀧與翼」，前晚喺橫濱舉行演唱會首場，紀念組合出道5周年。當日有近3萬名fans入場，而組合更唱出金曲《Venus》等共28首歌曲。佢哋話：「每年我哋都會喺聖誕節期間慶祝自己出道，聖誕節可以話係我哋瀧與翼嘅大節日。」之後佢哋會喺名古屋等地繼續表演，預計總入場fans高達20萬人，算係兩人出道以來最大規模嘅全國巡迴演唱。