寇鴻萍的19歲女兒唐貝詩、陳見飛及木村乃昨日在灣仔化身cosplay女郎宣傳亞洲遊戲展，賭王與四姨太梁安琪的長女何超盈及多個友人，一見唐貝詩出場即吶喊助威。而與唐貝詩在facebook中以「老公、老婆」相稱鬧出已婚笑話的富家子EricHung，也在台下拿住一紮花，但遭記者發現時，Eric即將花塞予唐貝詩妹妹唐貝欣。
獲母親大讚
唐貝詩接受訪問時以聲沙為理由，由母親寇鴻萍代答，問唐貝詩「老公仔」也有捧場，寇鴻萍即說：「冇結婚㗎，佢19歲咋，成班好朋友，唔係拍拖，嗰個男仔都幾好，幾斯文靚仔。不過以後阿女個blog只有佢讀書溫習嘅相，我唔想影響人哋啲細路仔同家長。」問到對方已送花擺明追求，她說：「唔係，十個朋友一齊夾份。」問唐貝詩是否被禁拍拖，她無奈地笑笑口搖頭，其後才細細聲說：「唔係，佢係我好多年朋友咋。」
採訪、攝影：梁錦雯