24/12/07.....
陰天
最新動態
上周六北倫敦打吡大戰，我身為阿仙奴迷，賽前自然同熱刺迷華度牙骹一番；佢話欣賞拉莫斯擅於打起冇名氣老將，西維爾時期，德古天奴域、查維拿華路就係好例子。
我覺得華度講啱一半，拉莫斯另一長處，係夠膽起用寂寂無聞嘅年輕球員，特別係青訓產品，對球會有歸屬感，肯拚肯搏；西維爾時期，已打起捷西斯拿華斯、佩亞達，上周六呢場咁重要嘅大戰，拉莫斯夠膽用21歲青訓產品奧哈拉打正選，我更認為佢係該仗全隊熱刺打得最好嘅球員。
其實我都好欣賞拉莫斯治軍方法，同雲格一樣，佢唔會刻意留住有離心球員，西維爾時期，雷恩斯、巴廸斯達想踢大會？ok，冇問題，收番巨額轉會費搞青訓更好。小弟一向覺得貝碧托夫鬥心不足，懶於走動，亦不合拉莫斯風格，我知貝碧甚得熱刺迷歡心，不過既然佢心儀曼聯，就唔好強人所難，收番大筆轉會費，搵番丹尼爾、簡路廸呢啲拉莫斯愛將好過。
http://hk.myblog.yahoo.com/footballexperts/
逢周一至五見報
牽牛
股市大旺，英超盛世，大家齊來贏多啲！