天氣轉凍，最好食個羊腩煲。咁啱同御苑皇宴行政經理徐為由傾開，佢話煮羊肉好簡單，先將切好嘅羊肉，放入冇落油嘅鑊畀佢去血水，另外用水煲滾薑、南乳、腐乳、冬笋等，放入羊肉然後慢火炆個幾兩個鐘，差唔多就攞小小出嚟，然後用竹籤篤吓熟唔熟。
「係祖傳秘方」
「咪住！」我同徐經理講冇理由咁簡單，佢一定扣料！佢一臉為難咁笑笑口話，嗰啲係秘方嚟！佢最後都願意講呢個秘密，話秘訣係放多一個蘋果入去，要係洗亁淨但唔切嘅蘋果，個蘋果就會吸收晒羊肉難聞嘅羶味，但仍然保留小小香香嘅羶味。
徐經理話呢個係祖傳秘方，我問過啲教授都唔係好知。唔緊要，最重要係work嘛！徐經理，如果你睇到呢段blog，唔好嬲，因為我都冇講畀人知，我寫之嘛。
逢周一至周四刊出