寇鴻萍兩女兒唐貝詩、唐貝欣前晚為媽咪的FevarClub行時裝騷，獲賭王女兒何超盈、木村乃、王晶17歲女兒王子涵等一班後生仔女捧場。
收賭王首飾
何超盈透露聖誕會去山頂開派對，早前她被本報拍到凌晨3時繼續夜蒲，她說：「我平時係灰姑娘，每次都有3個保鑣，佢哋會匿埋附近，因為香港好多人。」她透露去年收到賭王爹哋何鴻燊送首飾做聖誕禮物，問她有沒收過洋樓？她說：「冇呀，我咁細，收屋嚟做乜？同埋媽咪話18歲，有樓都未轉得名。」有記者狂問她平安夜失身夜？她尷尬地說：「你哋唔好講呢啲啦，我聖誕節唔飲酒，我怕肥。」
唐貝詩則談到網誌被經常報道，她表示不會被嚇怕：「香港傳媒都幾好，英國傳媒會登晒啲名人走光相，香港至少都會打格仔。」
採訪：梁錦雯 攝影：陳順楨
