韓劇《茶煲阿四》女主角韓藝瑟嘅處女電影《用意周到申小姐》上星期喺當地開畫，可惜票房成績差強人意，首周只有約22萬入場人次，僅排名票房榜第6位，睇嚟韓藝瑟要諗諗計補救囉。至於同屬靚女嘅金泰希命運都差唔多，佢部《打架》上映第二周已下跌到第9位，累積入場只得32萬人。相反李安嘅《色，戒》上映8周，依然排第11位，入場人次更直逼200萬人，成績優異。