聖誕節係一個普天同慶的節日，星俠在此先祝讀者聖誕快樂，身體健康，炒股得心應手。
每年聖誕及新年期間，港股市場都比較靜，因為不少股壇中人都會趁機放大假，享受人生。畢竟炒股和做生意一樣，平時十分「困身」，作為一個活躍的投資者，每個交易日都要睇實個市，「如果紅假」都唔放，幾時放假呀？
假期因素以外，臨近年底都會比較多人婚嫁，因方便請親戚朋友飲宴，加上今年又宜嫁娶，酒席爆棚之餘，金舖也生意興隆。其實，近年美元弱勢，油價及金價都持續上升，加上中、印及阿拉伯國家對黃金需求增加，多項客觀條件都利好金價走勢。
昨日平安夜半日市，港股大升501點或1.8%，H指更升440點，升幅2.7%。中資股中以紫金礦業（2899）走勢最強勁，大升15.5%，收11.9元。技術走勢上，紫金營造「雙底」回升格局，昨升抵頸線，若確認突破，量度升幅可見14.45元，當然有跟進價值。
首目標13.6元
紫金能從低位反彈，多少受惠其計劃回歸A股的消息所刺激；是次發行15億A股集資所得，將用作八個項目，包括收購塔吉克斯坦一個金礦。據悉日內中證監將審核紫金發行A股的首發申請，估計紫金股價短期仍能維持強勢，可伺機追入，首目標13.6元，若破位，有力挑戰9月高位14.6元。