小保加大地震換教練之後，球會顧問兼球王馬勒當拿，上周六決定劈炮走人。據講老馬係不滿球會聘請嘅新教練伊斯基亞唔夠料，又唔用自己推薦嘅前熱刺球星維拉執教，先至發爛渣走人。老馬話：「伊斯基亞仲差過羅素，咁我哋點解要炒羅素？」我求大俠覺得邊個高邊個低，都係成績話事，大家一於放長雙眼啦！