一向靠個樣清純甜美搵食嘅「屎塔」，開處女騷谷上位，實在行早咗一步，皆因佢唱歌真係好唔掂，個演唱會票房差就唔使講，最慘係個騷劣評如潮。其實屎塔老闆喺開騷前，已經擔心個騷反應麻麻，會對屎塔有負面影響，一早諗定請同屎塔反咗面嘅「腐皮」上台，兩個嚟一場姊妹情深大對唱，希望轉移焦點玩溫馨。
拒舊姊妹踩場
本來腐皮接獲邀請時都唔願意幫手，但聽見話係老闆嘅旨意，都勉為其難畀面話嚟幫手，點知屎塔堅決唔肯畀腐皮踩自己個台，理由係唔想人哋對佢嘅印象，仲停留喺佢做合唱團嘅年代。講就講得好聽兼有道理，但其實佢覺得自己開到演唱會好勁，唔想俾同佢爭寵嘅腐皮叨光，後來腐皮知道咗激氣到爆，到屎塔俾人狂踩，佢就認真心凉咯。
Textby關仁
