ILoveYouBoyz（艾粒）前晚於理工綜藝館舉行一連六場「ILoveYouBoyzGAGameShow鬆啲！衣池瀨」，二人請來譚詠麟（校長）擔任首場嘉賓，校長更反串扮女人發放笑彈。艾粒甫開場便以金牌發表聲明缺席頒獎禮一事開玩笑，並指黃柏高會讓旗下藝人擔任嘉賓。
組合ILoveYouBoyz前晚於理工綜藝館舉行的GAGameShow獲一班圈中好友支持，當中包括關智斌（Kenny）、謝安琪、張繼聰以及吳浩康，成員Donald在台上指着Kenny諷刺他和張敬軒的斷背傳聞說：「今晚好多謝張敬軒伉儷到場，不過好似只係得關智斌。」艾粒更獲得張學友、劉德華、鄭秀文以及譚詠麟等天皇巨星錄影開場片段，認真有面子。
陳太葉太上身
甫開場成員阿占以金牌發聲明一事揭開序幕，他說：「我哋收到金牌Paco一封信，佢話旗下藝人會出席艾粒GAGameShow。」之後阿占又揶揄圈中藝人，他笑指整容三嬌組成的Freeze為外星人，他說：「我發現香港有外星人，有一隊性感女子組合個腦好發達，佢哋個胸生到落心口，佢哋發射時仲會發出freeze嘅聲音。」
阿占及Donald扮演葉太及陳太時則取笑台灣組合棒棒堂，Donald說：「我個女好鍾意嗰隊震震棒，我都唔明台灣啲藝人個樣同髮型一樣樣，佢哋正一一樣樣。」
「阿B自傳唔夠盡」
此外，擔任嘉賓的譚詠麟以師奶造型示人，現場觀眾報以熱烈掌聲，畫了一張紅色大嘴的校長自稱為花師奶譚太，他笑言自己樣貌似舒淇、祖兒。當艾粒問他有否看過鍾鎮濤（阿B）的自傳提及有人打母親一事，校長即表示：「我覺得佢寫得唔夠盡，畀我就寫佢老竇寫佢老母啦。」艾粒幫校長的自傳改名為《大條道》，校長反問他們說：「大條道係咪即係大枝嘢呀？」最後艾粒以一場勁歌熱舞作結。
採訪：李珮洳
攝影：陳慧安
