曾拍攝日本片《蒼狼》嘅韓國女星Ara，最近為韓國剛出版嘅時裝雜誌《Alice&》，到上海拍攝創刊號封面同寫真。身穿最新秋冬服嘅Ara到外灘及上海新天地等旅遊景點取景，散發獨有氣質。 只得17歲嘅Ara今年先後成為韓國化妝品同手機網絡代言人，唔少時裝雜誌都好鍾意搵佢拍靚相。喺上海拍攝期間，Ara唔止吸引當地人注視，就連外國人都停低望佢幾眼，令Ara受寵若驚。